व्यक्ती आणि वल्ली...

आपल्या सभोवताली अशे खूप सारे नमुने (म्हणजे अशी लोक की त्यांच्या बोलण्याच्या लकबी किंवा काही तरी विचित्र वागायच) असतात की जे नकळत आपल्याला (म्हणजे आमच्या सारख्याना जे अश्या नमुन्यांच्या शोधात असतात) हसण्यासाठी भरपूर वातावरण निर्मिती करून देतात. अश्याच एका वल्ली विषयी आज लिहतोय. ते दुसरं कोणी नसून आमचे एक प्राध्यापक आहेत. (त्यांच्या विषयी पूर्ण आदर ठेवून लिहतोय).... पण कोणताही गैरसमज नको. फक्त विनोदी अंगाने पहा.

आमचे हे सर जेव्हा इंग्लिश बोलायचे तेव्हा आमचा अगदी मानसिक छळ असायचा.यांनी तृतीय वर्षात Fluid Mechanics तर शेवटच्या वर्षात Prestress Concrete Design शिकवला होता.

आम्ही तृतीय वर्षाला गेल्यानंतर पहिल्याच तासाला त्यांनी त्यांच्या विषयी सांगताना एक वाक्य वापरल अन् आम्ही फक्त बाकावर डोक आपटायच राहिलो होतो. ते म्हणाले होते...

I have two daughters both are girls.

या नंतर आमचा खूप स्नेह (स्नेह कसा असेल याचा अंदाज तुम्हाला आलाच असेल) वाढत गेला व आम्हाला अशेच भरपूर किस्से मिळत गेले. थोड्या दिवसात आम्हाला समजल की जर आपल सबमीशन अगदी विनासायास करायच असेल तर सरांसोबत फक्त इंग्रजीतून बोलायच. आपण इंग्रजीत बोलायला लागलो की आपोआप फाईल वर सही व्हायची.

या सरांमुळे आमच Probablity खूप चांगल झाल होत. यांना प्रत्येक दोन वाक्यांमध्ये You See  म्हणायची सवय होती. वाक्याची सुरूवात अन् अंत दोन्ही पण You See ने व्हायचा. मग काय संपुर्ण तासात आम्ही फक्त तेच मोजायचो.... किती वेळा म्हणतात ते.

यांच अजुन एक प्रसिद्ध वाक्य.....

Please close the Doors of Window.

शेवटच्या वर्षाला आम्हाला Prestress Concrete  विषय शिकवला होता...त्यात हे स्ट्रेस, स्ट्रेन, स्ट्रेट टेंडन अशे सगळे शब्द.

हे सर स्ट्रेस ला ट्रेस ....स्ट्रेन ला ट्रेन....स्ट्रेट ला ट्रेट...म्हणायचे...पहिल्या तासाला आम्हाला हे समजे पर्यंत आमच्या शिट्ट्या वाजल्या होत्या.

आम्हाला एकदा हे सर साईट विजीटला घेऊन गेले तिथे यांना आम्हाला बीम अन् कॉलम जॉइंट एक्सप्लेन करायच होत...यांनी कस सांगाव....

You See, This Bar Comes from there (उजवीकडे हात करून).... This Bars Comes from there (डावीकडे हात करून)  and You See all they are meet together here.

एकदा तास चालू असताना मी मस्ती करताना चुकुन पकडला गेलो तर यांनी मला अस सुनावल...

If you want to seat then seat, If you dont want seat then dont seat.

आता तुम्हाला अंदाज आलाच असेल यांचा तास म्हणजे आम्हाला किती मोठी पर्वणी होती. असो अशे खूप सारे किस्से आहेत यातले निवडक तेवढे सांगितले आहेत.

18 comments:

आनंद पत्रे said...

I have two daughters both are girls.

हा हा ... जबरी

मीनल said...

हे हे..
I have two daughters both are girls.
त्यांची केवढी मोठी चुकून मिस्टेक झाली..
आम्हालाही App Mechला असेच सर होते, राऊंड सर्कल, ट्र्यॅंग्युलर ट्रॅंगल असं बिनधास्त म्हणायचे. पण शिकवायचे चांगल.
त्यांचं बोधवाक्य होतं, स्टीक टू द बेसिक.. ते थिक टू द बेसिक म्हणायचे.

Maithili said...

He..he... Bharii...!!! :D

VishWaaS- KoYoTe said...

i have two sons both are boys .....
LOL


Pan he vakya kuthetari SMS madhe vachlya sarkhe vatat aahe...YOU SEE..!!!

THEPROPHET said...

मस्त पोस्ट योमुं..
आमचे सर आठवले...
Characteristics ला कॅस्टिस्टिक..असं काहीसं म्हणायचे...

नागेश देशपांडे said...

आमच्या कडे रात्रभर नाईट करणारे कामगार पाहीजे...

तुमचा पोस्ट एक नंबर आहे.

Yogesh said...

आनंद... :)...प्र.ब. आभार.

Yogesh said...

मीनल...राउन्ड सर्कल...हे..हे..हे

Yogesh said...

मैथिली...आभार अन् ब्लॉग वर स्वागत...

Yogesh said...

विश्वास...ब्लॉग वर स्वागत...प्रतिक्रियेबद्दल आभार!!!

Yogesh said...

विभि ठांकू रे!!!

Yogesh said...

नागेश...ब्लॉग वर स्वागत....प्रतिक्रियेबद्दल आभार!!!

हेरंब said...

असंच अजून एक ऐकलंय..

open the doors of the windows and bring the environment come in.. LOL

योगेश.. मस्तच रे एकदम :)

Yogesh said...

हेरंब...:) :) :)

ठांकू रे!!!

Anonymous said...

"I have two daughters both are girls",
"If you want to seat then seat, If you dont want seat then dont seat."
भारीच रे...

Yogesh said...

देवेंद्रा धन्यु रे!!!

tanvi said...

Are aamche pan ek sir hote tyani aamhala ek jabari dhamaki dili hoti ki 'Don't trouble me ur marks are ON my hands !!!!' :)
Tyanchi aatahvan aali bagh... sahi aahe re post!!!

Yogesh said...

तन्वी ...आभार!!