दुंदुभी निनादल्या , दशदीशा कडाडल्या
केशरी गुहेसमीप उन्मत्त हत्ती चालला ||
वाकुनि आदिलशहास कुर्निसात देऊनी
प्रलय काल तो प्रचंड खान निघे तिथुनी
हादरली धरणीव्योम, शेष ही शहारला
केशरी गुहेसमीप उन्मत्त हत्ती चालला. . . ||१||
खान चालला पुढे अफाट सैन्य मागुनी
उंट, हत्ती, पालख्या ही रांग लांब लांबती
टोळधाड निघे ही स्वतंत्रता गिळावया
केशरी गुहेसमीप उन्मत्त हत्ती चालला . . .||२||
तुळजापूरची भवानी माय महान मंगला
राउळात अफजलखान दैत्यासह पोहचला
मूर्ती भंगली मनात चित्रगुप्त हासला
केशरी गुहेसमीप उन्मत्त हत्ती चालला. . . ||३||
श्रवनी तप्त तेल से शिवास वृत्त पोहचले
रक्त तापले करार खडग सिद्ध जाहले
कालियास मर्दण्यास कृष्ण सिद्ध जाहला
केशरी गुहेसमीप उन्मत्त हत्ती चालला. . . ||४||
सावधान हो शिवा वैर्याची रात्र ही
काळ येत असे समीप साध वेळ तूच ही
देऊनी बळी आजास तो शक्ती भवानीला
केशरी गुहेसमीप उन्मत्त हत्ती मारला. . .मारला. . .मारला ||५||
Widget by Css Reflex | TutZone
4 comments:
अतिशय सुंदर गीत आहे हे. कवी मलाही माहित नाही पण राष्ट्रीय स्वयंसेवक संघ किंवा संस्कार भारतीच्या कार्यक्रमांमध्ये हे गीत नेहमी असतं. आम्ही ट्रेकला जाताना हे नेहमी म्हणायचो :)
खरच छान गीत आहे, वाचता वाचताच स्फ़ुरण चढते...
@ हेरंब. . .आम्ही पण भटकायला जातो तेव्हा ह्या गाण्याशिवाय भटकंती पूर्ण झाल्यासारखी वाटत नाही!!!
@ देवेंद्र . . ..धन्यवाद!!!!
मनमोजी जी,
अतिशय स्फुर्तिदायक गीत आहे, हे मी ३ वर्षापुर्वी कुठेतरी वाचले होते,तेव्हांपासुनच प्रचम्ड आवडले मला. निवडनुक प्रचारादरम्यान यातिल शेवटच्या कडव्याचा आम्ही उपयोग केला होत.
Post a Comment